Երևանի Դավիթ Բեկի փողոցում վթարի է ենթարկվել ապառաժ քարերով բարձված Краз-ը․ ոստիկանությունը պարզում է վարորդի ինքնությունը

Այսօր՝ հոկտեմբերի 23-ին, արտառոց դեպք է տեղի ունեցել Երևանում։ Ժամը 09։30-ի սահմաններում Երևանի Ճանապարհային ոստիկանության օպերատիվ կառավարման կենտրոն տեղեկություն է ստացվել, որ Դավիթ Բեկի փողոցում՝ դաշտամիջյան հատվածում, բեռնատար է վթարի ենթարկվել։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի մասին Երևանի ՃՈ օպերատիվ կառավարման կենտրոնի պատասխանատու հերթապահ Գարիկ Հակոբյանը տեղեկությունը փոխանցել է Ճանապարհային ոստիկանության 1-ին սպայական գումարտակի 8-րդ դասակ, որտեղից ժամանել են ավագ տեսուչներ Դավիթ Նիկողոսյանն ու Արտակ Սմբատյանը, ովքեր նշած վայրում հայտնաբերել են «Կռազ» մակնիշի կիսակողաշրջված, ապառաժ քարերով բարձված ավտոմեքենա։

Այս պահին ճանապարհային ոստիկանները պարզում են վարորդի ինքնությունը, ինչպես նաև՝ վթարի հետևանքով տուժած կամ տուժածներ կա՞ն, թե՞ ոչ։

Ըստ նախնական տեղեկությունների՝ ավտոմեքենան, մինչ նշված վայրում հայտնվելը, փողոցի հանդիպակաց հատվածի բլրակից առաջ է ընթացել, անցել գլխավոր ճանապարհը։ Բարեբախտաբար, այդ պահին մեքենաներ անցնելիս չեն եղել, որից հետո մոտ 200 մետր առաջ ընթանալով՝ բախվել է քարերին և հայտնվել նշված վայրում։

Մեքենայում բարձված 3 ապառաժ քարերից 2-ը ընկել են։

(Visited 188 times, 1 visits today)
Հավանեցիք? Կիսվեք Ձեր ընկերների հետ
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!:

Яндекс.Метрика