Բաքուն հայտնել է, թե պատրաստ է հանձնել զոհված հայ զինծառայողների մարմինների մի մասը

Ադրբեջանը պատրաստ է Կարմիր խաչի միջազգային կոմիտեի միջնորդությամբ միակողմանի կերպով Հայաստանին փոխանցել զոհված հայ զինծառայողների մարմինների մի մասը։ Այս մասին հայտարարել է Ադրբեջանի՝ ռազմագերիների, պատանդների և անհետ կորածների հարցերով պետական կոմիտեն, փոխանցում է ՏԱՍՍ-ը։

«ԿԽՄԿ Ադրբեջանի ներկայացուցիչների և Ադրբեջանի՝ ռազմագերիների, պատանդների և անհետ կորածների հարցերով պետական կոմիտեի հանդիպման ժամանակ հայտնել են, որ Հայաստանի ու Ադրբեջանի միջև ձեռք բերված ժամանակավոր մարդասիրական հրադադարին համապատասխան՝ Ադրբեջանը պատրաստ է երկու երկրների պետական սահմանին՝ Թովուզի ուղղությամբ, նախապես համաձայնեցված միջանցքով և ԿԽՄԿ միջնորդությամբ միակողմանի կերպով Հայաստանին փոխանցել Ադրբեջանի տարածքում գտնվող զոհված հայ զինծառայողների մարմինների մի մասը»,- ասված է հայտարարության մեջ։

Հանձնաժողովը ԿԽՄԿ-ին խնդրել է այդ մասին իրազեկել հայկական կողմին։

(Visited 621 times, 1 visits today)
Հավանեցիք? Կիսվեք Ձեր ընկերների հետ
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!:

Яндекс.Метрика